സ്ത്രീ തന്നെ ധനം
"നിങ്ങൾ എന്തിനാ മനുഷ്യാ ഈ കിടന്നു വെപ്രാളം പിടിക്കുന്നത്.... ?? പെണ്ണ് കാണാൻ വന്നപ്പോളേ അവൻ പറഞ്ഞില്ലേ സ്ത്രീധനം ഒന്നും വേണ്ടാന്ന്.... ??".
അമ്മയുടെ സംസാരം കേട്ടപ്പോൾ ആണ് ഞാൻ അവരിലേക്ക് ശ്രദ്ധിച്ചത്....
സംസാരം എന്റെ കല്യാണക്കാര്യം ആണ്. അതിന്റെ ഒരുക്കങ്ങൾ തുടങ്ങി കഴിഞ്ഞിരുന്നു.
.
ശരിക്കും അഭിമാനം തോന്നുന്ന നിമിഷങ്ങളിൽ ആണ് ഞാൻ കഴിഞ്ഞിരുന്നത്. പെണ്ണ് ആലോചിച്ചു വന്നപ്പോളേ മനു ഏട്ടൻ പറഞ്ഞിരുന്നു സ്ത്രീധനം ഒന്നും വേണ്ടാ.. പെണ്ണിനെ മാത്രം മതി എന്ന്.. പക്ഷെ കല്യാണം ഏട്ടൻ ഗൾഫിൽ പോകുന്നതിനു മുന്നേ നടത്തണമെന്ന് മാത്രം....
.
എനിക്ക് കിട്ടാവുന്നതിൽ ഏറ്റവും നല്ല ബന്ധം ആയോണ്ടാവും കല്യാണം നടത്താൻ അച്ഛൻ സമ്മതിച്ചത് അന്ന് മുതൽ അച്ഛൻ പരിഭ്രമത്തിൽ ആണ്..
.
അമ്മയുടെ ചോദ്യം കെട്ടു വായിച്ചു കൊണ്ടിരുന്ന പത്രം താഴെ വെച്ചു കൊണ്ട് അച്ഛൻ പറഞ്ഞു..
.
" ഡി.... സ്ത്രീധനം ഒന്നും വേണ്ടാന്നു പറഞ്ഞാലും ഒരു ഇരുപത് പവൻ എങ്കിലും കൊടുക്കണ്ടേ.. ? അത് മാത്രമാണോ കല്യാണ ചിലവ്, വസ്ത്രങ്ങൾ , മണ്ഡപം, സദ്യ അങ്ങനെ നൂറു കൂട്ടം കാര്യങ്ങൾ ആണ്... ഏകദേശം ഒരു എട്ടു ലക്ഷം രൂപ എങ്കിലും ആകും .. എനിക്ക് ഒരു എത്തും പിടിയും കിട്ടുന്നില്ല...."
.
അച്ഛൻ പറഞ്ഞു കേട്ടപ്പോൾ ആണ് കല്യാണം എത്ര വലിയ ഒരു കാര്യം ആണന്നു ഞാൻ മനസ്സിലാക്കിയത്.. കല്യാണം എന്ന് ചിന്തിക്കുമ്പോൾ എന്റെ മനസ്സിൽ സ്ത്രീധനം മാത്രമേ കടന്നു വന്നിരുന്നൊള്ളു....
.
അച്ഛൻ പറഞ്ഞത് അക്ഷരാർത്ഥത്തിൽ ശരി ആണ്... ഒരു കല്യാണം എന്ന് പറയുന്നത് സ്ത്രീധനം മാത്രമല്ല...... അതിനുമേൽ ഒരുപാട് ചിലവുകൾ ഉണ്ട്... പാവം എന്റെ അച്ഛനെകൊണ്ട് കൂട്ടിയാൽ കൂടുന്നതിലും അപ്പുറം.
.
കല്യാണം ഉറപ്പിച്ച അന്ന് മുതൽ അച്ഛൻ ശരിക്കൊന്നു ഉറങ്ങിയിട്ടില്ല.. ഉറക്കമുളച്ചു കണക്ക് കൂട്ടലുകൾ ആണ്. അച്ഛനെ ഞാൻ ഇങ്ങനെ കണ്ടിട്ടേയില്ല.... ജനിച്ച നാൾ മുതൽ അച്ഛൻ എനിക്കായി ഒന്നും സമ്പാദിച്ചിരുന്നില്ല.. ഒരു പൈസ പോലും എനിക്കായി മാറ്റി വെച്ചിരുന്നില്ല.... ഭാവിയെ പറ്റി ചിന്തിച്ചിരുന്നില്ല...
എന്നാൽ ഇന്ന് അച്ഛൻ കാശിനു വേണ്ടി ഓടി നടക്കുന്നത് കാണാൻ വയ്യ.. പലരോടും കടം ചോദിക്കുന്നുണ്ട്. ഒന്നും ശരി ആകുന്നില്ല..... ഊണും ഉറക്കവും കളഞ്ഞുള്ള അച്ഛന്റെ നെട്ടോട്ടം എന്നിൽ വേദന പടർത്തി... തനിക്ക് വേണ്ടിയാണല്ലോ അച്ഛൻ ഈ കഷ്ടപെടുന്നതെന്ന് ഓർത്തു ഞാൻ ശരിക്കും വിഷമിച്ചു.. അച്ഛൻ എന്നും വിശ്വസിച്ചിരുന്നത് ഈ നിമിഷത്തിൽ ആയിരുന്നു. ഭാവിയിലേക്ക് ഒന്നും കരുതാൻ ഒരു പാവം ഓട്ടോ ഡ്രൈവറിനു കഴിഞ്ഞിരുന്നില്ല... എന്നാൽ ആ വരുമാനത്തിലും എന്നെയും അനിയനെയും നന്നായി പഠിപ്പിക്കാനും ഞങ്ങൾക്ക് ആവിശ്യമായതെന്തും സാധിച്ചു തരാനും അച്ഛന്റെ ചെറിയ വരുമാനത്തിനായിരുന്നു.
ഒരുപക്ഷേ അതൊക്കെ ആവാം ഒരു കരുതൽ ധനം ഇല്ലാതെ പോയതും.
ദിവസങ്ങൾ കഴിയും തോറും അച്ഛൻ കൂടുതൽ കൂടുതൽ പൈസ ഉണ്ടാക്കുനുള്ള നെട്ടോട്ടം ഓടുകയായിരുന്നു. .
.
" അമ്മു.. ഇതു ഒരു മൂന്നുലക്ഷം രൂപയുണ്ട്. രണ്ടു ദിവസത്തിനകം കുറച്ചു സ്വർണം എടുക്കണം.. "
കൈയിലെ കവറിൽ പൊതിഞ്ഞ ഒരു കെട്ടു പണം എന്റെ കൈയിൽ ഏല്പ്പിച്ചു അച്ഛൻ പറഞ്ഞു.
" അച്ഛാ.... ഇത്..... എവിടുന്നു കിട്ടി... " ഒരു വിറയലോടെ ആ പണത്തിനായി കൈ നീട്ടി ഞാൻ ചോദിച്ചു..
.
" നമ്മുടെ ഈ പതിനഞ്ചു സെന്റും ഈ വീടും ഞാൻ ബാങ്കിൽ പണയം വെച്ചു മോളെ . നിനക്ക് ഒരു പ്രയോജനം ഇല്ലെങ്കിൽ ഈ വീട് കൊണ്ട് എന്ത് കാര്യമാണുള്ളത്.... ?, പിന്നെ കണ്ണനുള്ളത് അതോർത്ത് മോളു വിഷമിക്കണ്ട അവൻ ഒരാണ്കുട്ടി അല്ലെ......"
പറയുമ്പോൾ അച്ഛന്റെ കണ്ണിലും ഈറൻ അണിഞ്ഞിരുന്നു..
.
അച്ഛന് സ്വന്തമായി ഉള്ളത് ആ വീട് മാത്രം ആയിരുന്നു.. ആകെയുള്ള സാമ്പാദ്യം... എന്റെ കൈയിൽ അച്ഛൻ എല്പ്പിച്ച ആ പൈസക്ക് അച്ഛന്റെ നാൽപ്പത്തി അഞ്ചു വർഷത്തിന്റെ അധ്വാനത്തിന്റെ വിയപ്പിൻ ഗന്ധമായിരുന്നു.. അതിൽ എന്നോട് അണപൊട്ടി ഒഴുകുന്ന സ്നേഹത്തിന്റെ സ്വാദ് ഞാൻ തിരിച്ചറിഞ്ഞിരുന്നു... ആ പണം എന്നേ ചുട്ടു പൊള്ളിക്കുന്ന പോലെ...
.
ഫോൺ എടുത്തു മനു ഏട്ടനെ വിളിച്ചു ഞാൻ പറഞ്ഞു " ഒന്നു കാണണം... ഉച്ചകഴിഞ്ഞു.. "
.
മറുത്തൊന്നും ചോദിക്കാതെ മനുഏട്ടൻ ഉച്ച കഴിഞ്ഞു കാണാൻ വന്നു.....
.
" മനു ഏട്ടാ..... എന്നേ ശരിക്കും സ്നേഹിക്കുന്നുണ്ടോ ??"
.
മനു ഏട്ടൻ പതിയെ ഒന്നു പുഞ്ചിരിച്ചു..
" വട്ടായോ മോളെ.... ?? പിന്നെ
സ്നേഹിക്കാതെ ?
.
എന്റെ വീട്ടിൽ സമ്മതിച്ചില്ലായിരുന്നെങ്കിൽ എന്നേ രജിസ്റ്റർ വിവാഹം ചെയ്യുമായിരുന്നോ ?
.
" ഹിഹിഹി.... നീ ഇറങ്ങി വന്നാൽ ഇപ്പൊ കെട്ടിയെന്നു ചോദിച്ചാൽ പോരെ.. ??
മാളു നിന്നെ ഞാൻ അത്രയധികം ഇഷ്ടപ്പെടുന്നു"
മനു ഒരാലോചനയും കൂടാതെ പറഞ്ഞു...
"എന്നാൽ പിന്നെ വീട്ടുക്കാരുടെ സമ്മതത്തോടെ രജിസ്റ്റർ വിവാഹം ചെയ്യാം... ??"
.
എന്റെ ചോദ്യം കേട്ടു മനു ഏട്ടൻ ഒന്നു ഞെട്ടി.
.
"അമ്മു.... അത്.... "
ഏട്ടാ.... ഏതൊരു പെണ്ണിനേയും പോലെ എനിക്കുമുണ്ട് ജീവിതത്തിൽ ആകെ ഉള്ള കല്യാണം ആഘോഷമാക്കണമെന്നു.. അതിനായി ഒരുപാട് സ്വപ്നം കണ്ടതുമാണ്... പക്ഷെസ്ത്രീധനം വേണ്ടാന്നു വെച്ചാലും കല്യാണ ചിലവ് സാധരണ കുടുംബത്തിനു താങ്ങാൻ കഴിയുന്നതിനപ്പുറം ആണ്.. കേവലം ഒരു ദിവസത്തിന് വേണ്ടി ലക്ഷങ്ങൾ ചിലവാക്കിയാൽ ജീവിതം മുഴുവൻ കടം കയറിയ ഒരു അച്ഛനെ ഞാൻ കാണേണ്ടി വരും... വീട് കൂടി പണയത്തിൽ ആയാൽ.... അച്ഛൻ....
.
പറഞ്ഞു തീരുന്നതിനു മുന്നേ മനു ഏട്ടൻ എന്നേ കെട്ടി പിടിച്ചു.
.
" നല്ല തീരുമാനം.... ഇതൊരു മാത്യക ആവട്ടെ എല്ലാർക്കും... "
ആദ്യം രണ്ടു വീട്ടിലും ശക്തമായി എതിർത്തെങ്കിലും ഞങ്ങളുടെ നന്മയുള്ള തീരുമാനത്തെ ഏവരും അംഗീകരിച്ചു. കുറഞ്ഞ ചിലവിൽ സ്നേഹിച്ചവർ അനുഗ്രഹിച്ചു ഞങ്ങളുടെ വിവാഹം നടക്കുമ്പോൾ കുറച്ചു പരിഭവത്തോടണങ്കിലും കടത്തിൽ മുങ്ങാത്ത ഒരു അച്ഛന്റെ നിറമിഴികൾ എനിക്ക് കാണാമായിരുന്നു....
.
മനു ഏട്ടനെ ഒന്നു ചേർത്തു പിടിച്ചു ഞാൻ ചോദിച്ചു "സങ്കടമായോ ഏട്ടാ... ?? ഇങ്ങനെ ഒരു കല്യാണം ??"
.
നന്നായി മോളെ ഇല്ലെങ്കിൽ ഈ ജന്മം നിനക്ക് മാത്രമല്ല എനിക്കും സമധാനം നഷ്ടപ്പെട്ടനെ.... നീ ആണ് യഥാർത്ഥ മകൾ...
മനു ഏട്ടനെ പതിയെ പിന്നിലൂടെ കെട്ടി പിടിച്ചു എന്നിലേക്ക് അടുപ്പിച്ചു ഞാൻ ആ കവിളിൽ ഒരു മുത്തം ഏകി....
.
NB : സ്ത്രീധനം വേണ്ടാന്നു വെച്ച ഒരുപാട് ആളുകളെ നമുക്ക് അറിയാം.. എന്നാൽ ഒരു കല്യാണം നടത്താനുള്ള ചിലവിനെ പറ്റി നാം ചിന്തിച്ചിട്ടുണ്ടോ.... എത്ര വേണ്ടാന്നു പറഞ്ഞാലും തന്റെ മകളെ ഇറക്കി വിടുമ്പോൾ ഒരു തരി പോന്നെങ്കിലും ആ കയ്യിലും കഴുത്തിലും ഇടാൻ ആഗ്രഹിക്കാത്ത ഏത് മാതാപിതാക്കൾ ഉണ്ട്..... ഒരു കല്യാണം നടത്തി കടത്തിൽ ആയ എത്രയോ ആളുകൾ ഈ സമൂഹത്തുണ്ട്.. ?? സ്ത്രീധനം വേണ്ടാന്നു വെക്കുമ്പോൾ ഒരു പെണ്കുട്ടിയുടെ മാതാപിതാക്കൾ താങ്ങേണ്ടി വരുന്ന ഭാരിച്ച കല്യാണ ചിലവു കൂടി ഓർക്കുക....
രചന: Malu Murali
Photography : Foxwedding
